Sunday, May 10, 2009
Happy Mother's Day
Happy Mother’s Day!
Hindi ko talaga alam kung kelan ang exact date ng mother’s day, kung ngayon, kahapon o nung isang kahapon. Badtrip kasi mga palabas sa TV laging Mother’s Day ang tema.. Kaya binabati ko na lang araw-araw si mama para sure.
Ang mama ko ay ang pinakamaliit sa aming household, pero kaya nya kaming takutin at pasunurin lahat. Ang mama ko din, lagi nya sinasabing magtipid kami dahil wala na daw kaming makain, at pupulutin na daw kami sa kangkungan anytime… Naniniwala naman ako, oo kasi payak lang talaga ang buhay namin. Pero di pa naman kami umaabot sa kangkungan.. Yehey!! Pero posh daw sya. Oo, posh DAW sya sabi nya. Ang prinsipyo nya, dapat maayos ka, at presentable lagi.. Malay ba nilang gutom ka. Woohh!!!!
Naaawa din naman ako kay mama, inutil kasi kaming pamilya nya, apathetic at talaga naming walang ni katiting na ka-sweetan sa katawan. Ang pinaka touching na ginawa ng kapatid ko at ni papa eh ng batiin lang sya ng “Happy Mother’s Day” ng naka straight face dahil narinig naming binati sya ng kapit bahay (at yon ay dahil lang competitive kami sa kapit bahay namin). Todo na yung lagay na yun. Ang nanay ko tuloy gumala maghapon, tas tinext ako ng mga nakahalubilo nya para lokohin ako (o libakin..ewan ko anong purpose nila) yung nanay ko daw di man lang namin i-treat. Nagsumbong yata si mama sa lahat ng nakasalubong nya. Hay.
Sorry naman. Kinikilabutan kasi kami sa affection. Kayan ayun, naiintindihan naman ng nanay ko yun kasi ganun din naman sya. Badtrip lang ang mga mapanghusga at chismosang mga chenes dyan sa tabi-tabi….
Anyways, change topic… Pinilit kong mag-aral.. Yun ang balak kong regalo sa nanay ko. Hekhek. Oo mag-aral as in yung magbabasa ka kasi gusto mo pumasa sa board exam, yung ganon ba? Ay potek.. Pano ba sumipag? Pwede ba lumiyab yung kama ko everytime na hihiga ako para hindi na dumapo sa mga balak ko ang pagtulog??? O kaya umarkila ng tutor, yung sisikmuraan ka everytime na tatamarin ka.
Anyways, sa lahat ng bumati sakin... Walangya kayo, di pa ko nanay… At sa lahat ng mga ina Happy Mother’s Day!!!
Blogged @ 6:01 AM |
0 comments
